Riçard Dokinz, “eqoist” genlər və “qısqanc” sulfat turşusu haqqında
Riçard Dokinz (Richard Dawkins) məşhur təkamülçülərdən biridir və dünya ateizminin bayraqdarı hesab olunur. Dokinzə görə, canlıların ən mühüm hədəfi həyatda qalmaq, törəmək və genlərini qoruyaraq bunu növbəti nəsillərə köçürməkdir. Dokinzin heç bir məntiqə sığmayan bu iddiasına görə, insan “genləri qoruyan robot”dur. Bu dünyadakı yaranma məqsədi isə sahib olduğu genləri çoxaltmaq, digər genlərlə rəqabətdə öz genlərini mühafizə etmək və sonrakı nəsillərə ötürməkdir. Elmi əsası olmayan bu materialist inanca görə, əgər insanın məqsədi sadəcə genlərinin davamlı olmasını təmin etməkdirsə, onda bu insanın heç bir əxlaqi kriteriyası ola bilməz. İnsan öz genlərinin mənfəəti üçün mümkün olduğu qədər eqoist və mərhəmətsiz olmalıdır. Dokinzin cəhalətinin məhsulu olan bu nəzəriyyəyə görə, insan sahib olduğu genlərin eqoist olduğundan dolayı özü də eqoistdir.
Halbuki eqoist gen iddiası məntiqsiz və absurddur. Dokinz və digər bəzi təkamülçülər genləri sanki şüur və iradə sahibi varlıqlar kimi izah edirlər. Halbuki genlər uzun DNT zəncirləridir. DNT isə fosfat və şəkər ilə bir-birinə bərkidilmiş uzun nukleotid turşu mərtəbələrindən ibarətdir. Yəni uzun molekullardır. Su (H2O) və ya H2SO4 (sulfat turşusu) molekul olduğu kimi, DNT də molekuldur. “Eqoist su”, “eqoist duz” və ya “qısqanc sulfat turşusu” anlayışı nə qədər mənasızdırsa, eqoist gen anlayışı da bir qədər mənasızdır.
Təkamülçülər insanı bir maddə yığını olaraq göstərməyə çalışır və bu maddə yığınının hər hansı bir hissəsini şüurlu olaraq təqdim etmək istəyirlər. Genlərin şüurlu olduğu iddiası isə təkamül nəzəriyyəsinin hal-hazırkı vəziyyətini dəyərləndirmək baxımından çox ibrətamizdir. Qədimdə taxtadan və ya daşdan hazırlanmış bütlərdə ağıl və şüur olduğunu zənn edən bütpərəstliyin yerinə müasir dövrdə molekullarda və bu molekulları meydana gətirən cansız atomlarda ağıl və şüur olduğunu iddia edən darvinizm gəlmişdir. Yəni darvinizm artıq nəzəriyyə funksiyasını yerinə yetirmir, çünki paqan dininə çevrilmişdir.
