Quranda təkamül mərhələsinin olması yalanı
İnsanın elə bir dövrü olub keçmişdir ki, o, xatırlanmağa layiq bir şey olmamışdır. (İnsan surəsi, 1)
Təkamülçülər bu ayəni də saxta hekayələrinə dəlil göstərməyə çalışır, “özü xatırlanmağa layiq bir şey deyilkən” ifadəsinin insanın formalaşmazdan əvvəlki dövrlərini təsvir etdiyini iddia edirlər. Müasir elm bu fərziyyələrin əsassızlığını sübuta yetirir. Altından xətt çəkilən ifadənin ərəbcəsi bu formadadır:
“ləm yəkun şəy’ən məzkurən”
ləm yəkun: deyildi
şəy’ən: bir şey
məzkurən: zikr edilən, bəhs edilən
Bu ifadəni "təkamül yolu ilə yaradılışa" dəlil göstərmək də çox məntiqsizdir. Ayənin İslam alimləri tərəfindən təfsirində də təkamül prosesindən bəhs edilmir. Məsələn, Elmalılı Həmdi Yazır bu ayədəki zaman ifadəsini belə təfsir edir:
“Başlanğıcda ilk maddələri olan element və metallar, sonra onlardan mərhələ-mərhələ yaradılan bitki və heyvan mənşəli qidalar “palçıq cövhəri” (Muminun surəsi, 12) sonra yavaş-yavaş, müəyyən mərhələlərlə onlardan süzülən, məniyə bənzər bir şey olmuş, ancaq insan olmamışdı. Həqiqətən, insanın cinsi əzəli deyil, sonradan yaranmadır. Dəhrin (aləm, təbiət) başlanğıcından, dünyanın yaradılışından çox sonra yaranmışdır.”
(Elmalılı Hamdi Yazır, http:// www.kuranikerim.com/telmalili /insan-dehr.htm)
Ömər Nasuhi Bilmən isə ayəni belə təfsir edir:
“İnsan başlanğıcda heç mövcud deyildi, bir müddət sonra bir qətrə sudan, torpaqdan və palçıqdan təsvir edilmiş cəsəd halına gəlib. Həmin insan o vaxt məlum deyildi, onun nə adda və nə üçün yaradıldığını göy və yer əhli bilmirdi. Sonra özünə ruh bilgisi verilməyə başlandı".
(Ömer Nasuhi Bilmen, Kuran”ı Kerim”in Türkçe Meali Alisi ve Tefsiri, 8.cilt, s. 3915)
Dəyərli İslam alimlərimizin də qeyd etdiyi kimi, Quranda heç bir şəkildə təkamüllə yaradılışa işarə yoxdur. Quranda bildirilən yaradılış Rəbbimizin "Ol" əmri ilə baş verən yoxdan yaradılışdır.
Hz.Adəmin ilk insan olmaması ilə bağlı yalan
Təkamüllə yaradılış yalanı ilə bağlı ortaya atılan digər iddia isə hz.Adəmin ilk insan olmamasıdır (hətta insan olmaması) (hz. Adəmi
tənzih edirik). Bu batil iddiaya "dəlil" olaraq aşağıdakı ayə göstərilir:
Sənin Rəbbin mələklərə: “Mən yer üzündə b
ir xəlifə yaradacağam”, - dedikdə (mələklər): “Biz Sənə şükür etdiyimiz, şəninə təriflər dediyimiz və Səni müqəddəs tutduğumuz halda, Sən orada fəsad törədəcək və qan tökəcək bir kəsmi yaratmaq istəyirsən?”- söylədilər. (Allah onlara:) “Mən bildiyim şeyi siz bilmirsiniz!” – buyurdu. (Bəqərə surəsi, 30)
Bu iddianı müdafiə edənlər ayədə keçən "xəlifə yaradacağam" ifadəsində keçən ərəbcə "cəalə" felini "təyin etmək" sözü ilə açıqlayırlar. Yəni hz.Adəmin ilk insan olmadığı, bir çox insan arasından xəlifə olaraq "təyin edildiyi" yalanını irəli sürürlər. Halbuki "cəalə" sözü Quranda müxtəlif mənalarda istifadə edilmişdir:
Cəalə: Yaratmaq, icad etmək, çevirmək, etmək, qoymaq
Quranda "cəalə" felinin keçdiyi digər ayələrdən bir neçə nümunə bu şəkildədir:
Allah sizi tək bir nəfərdən xəlq etdi. Sonra onun özündən həmtayını yaratdı. O, heyvanlardan səkkiz cift əmələ gətirdi... (Zümər surəsi, 6)
De: “Sizi yoxdan yaradan, sizə qulaq, göz və qəlb verən Odur. Nə az şükür edirsiniz!” (Mülk surəsi, 23)
Yuxarıdakı ayələrdə də göründüyü kimi, "cəalə" sözü bu ayədə yaradılma mənasında istifadə edilmişdir. Eyni zamanda, bir çox digər ayədə də hz. Adəmin torpaqdan yaradıldığı bildirilir. Bu ayələrin hamısından hz.Adəmin digər insanlar kimi olmadığını, xüsusi və fərqli şəkildə yaradıldığını anlayırıq.
Hz.Adəmin dünyada yaradıldığı yalanı
Quranda hz.Adəmin ilk insan olması ilə bağlı verilən digər mühüm məlumat da etdiyi səhvə görə özünün və (həyat) yoldaşının cənnətdən çıxarılmasıdır. Ayələrdə bu şəkildə buyurulur:
Ey Adəm oğulları! Ayıb yerlərini özlərinə göstərmək üçün libaslarını soyundurub valideyninizi Cənnətdən qovdurduğu kimi, Şeytan sizi də aldadıb yoldan çıxartmasın. Şübhəsiz ki, o və onun camaatı sizləri sizin onları görə bilmədiyiniz yerlərdən görürlər. Biz şeytanları iman gətirməyənlərin dostları etdik. (Əraf surəsi, 27)
Biz dedik: “Ey Adəm, sən zövcənlə Cənnətdə qal və hər ikiniz oradakı meyvələrdən, istədiyiniz kimi, bol-bol yeyin, yalnız bu ağaca yaxın gəlməyin! Yoxsa zülm edənlərdən olarsınız”. Şeytan onları azdırıb olduqları yerdən uzaqlaşdırdı. Biz də: “Bir-birinizə düşmən kəsilərək (buradan kənar olub yer üzünə) enin! Yerdə sizin üçün müəyyən vaxta qədər sığınacaq və yaşayış vasitələri var”, -dedik. (Bəqərə surəsi, 35-36)
Bu ayələr başadüşülən və aydın şəkildə ifadə olunmuşdur. Allah hz.Adəmi bütün insanlardan fərqli yaratmışdır. Ayələrdən də aydın olur ki, hz.Adəm əvvəlcə cənnətdə yaradılmış, daha sonra oradan çıxarılmışdır. Ancaq təkamül yalanına inanan bəzi müsəlmanlar aydın ifadə olunan bu həqiqətləri qulaqardına vuraraq ayələrdəki “cənnət” sözünün axirətdəki cənnətə deyil, dünyadakı gözəl məkanlara işarə etdiyini deyirlər. Halbuki hz.Adəmin yaradıldığı cənnətin bir çox xüsusiyyəti Quranda bildirilir. Burada mələklər və şeytan var. Mələklər Allahla danışır. Ayələrdəki ifadələr bu qədər açıq olduğu halda, Quran əxlaqına uyğun olmayan şərhlərlə təkamül nəzəriyyəsinə "dəlil" axtarmağa çalışmaq yanlışdır.
Bütün insanların hz.Adəmdən gəldiyini, yəni hz.Adəmin ilk insan olduğunu xəbər verən ayələrdən bəziləri bunlardır:
Xatırla ki, bir zaman Rəbbin Adəm oğullarının bellərindən (gələcək) nəsillərini çıxardıb onların özlərinə (bir-birinə) şahid tutaraq: “Mən sizin Rəbbiniz deyiləmmi?” – soruşmuş, onlar da: “Bəli, Rəbbimizsən!” – deyə cavab vermişdilər. (Belə bir şahidliyin səbəbi) qiyamət günü: “Biz bundan qafil idik”;Və ya: “Atalarımız daha əvvəl (Allaha) şərik qoşmuşdular, bizi də onlardan sonra gələn bir nəsil idik (onların izi ilə getdik). Məgər bizi batilə uyanların (haqq yoldan sapanların) törətdikləri əməllərə görə məhv edəcəksən?” – deməməniz üçündür. (Əraf surəsi, 172-173)
