24 May 2017 23:29 Quranda təkamül yoxdur

Elmin inkişafında iman edən alimlərin rolu

Təkamülçülər nə qədər özlərini yenilik, elmi inkişaf tərəfdarı kimi tanıtmağa çalışsalar da, tarix göstərir ki, hər dövrdə elmin, yenilik və inkişafın əsl qabaqcılları yaradılışı müdafiə edən alimlər olmuşdur.

Elmi inkişafın hər sahəsində iman edən alimlərin imzası var. Astronomiyada iz qoyan Leonardo da Vinçi, Kopernik, Kepler, Qaliley, paleontologiyanın banisi Kuvier, botanika və zoologiyanın əsasını qoyan Linney, yerin cazibə qüvvəsini kəşf edən Nyuton, qalaktikaları və kainatın genişlənməsini kəşf edən Edvin Habbl və daha bir çox elm adamı Allahın varlığına, kainatı və canlıları Onun yaratdığına inanan alimlər idi.

 XX əsrin ən böyük alimlərindən biri kimi qəbul edilən Albert Eynşteyn isə iman barəsində belə deyir: ”Dərin imana malik olmayan heç bir alim təsəvvür edə bilmirəm. Bu, belə də ifadə edilə bilər: Dinsiz elmə inanmaq mümkün deyil”. (Science, Philosophy, And Religion: A Symposium, 1941, CH.13.)

 Müasir fizikanın əsasını qoyan alman fiziki Maks Plank isə belə deyir: ”Hansı sahədə olursa olsun, elmlə ciddi şəkildə məşğul olan hər kəs elm məbədinin qapısındakı bu yazını oxuyacaqdır: “İman elm adamının əl çəkməyəcəyi xüsusiyyətdir”. (J.De Vries, Essential of Physical Science, Wm.B.Eerdmans Pub.Co., Grand Rapids, SD 1958, səh. 15.)

 Elm tarixini tədqiq etdiyimizdə dəyişikliyin və inkişafın yaradılışı müdafiə edən elm adamlarının əsəri olduğu görünür. Digər tərəfdən elmi nailiyyətlər, xüsusilə də XX və XXI əsrdəki inkişaf yaradılışın saysız-hesabsız dəlilini əldə etməyimizə kömək edib. Müasir elm və texnologiya ilə kainatın yoxdan yaradıldığı qəbul edilib. Kainatın təxminən 13.7 milyard il əvvəl sıfır həcmə malik nöqtədən başlayaraq genişlənməsinin tədqiqi ilə kainatın yaradılmış olduğu bu gün bütün elm dünyası tərəfindən qəbul edilmiş həqiqətdir. Beləliklə, XIX əsrin bəsit elmi şərtləri daxilində materialistlər tərəfindən müdafiə edilən “başlanğıcı və sonu olmayan” sonsuz kainat modelinin üstündən xətt çəkilib. Kainatın eynilə Quranda bildirildiyi kimi, yaradıldığı, bir başlanğıcının olduğu, həmçinin genişləndiyi aydın olub. Bu həqiqət Qurani-kərimdə belə ifadə edilir:

 Məgər inkar edənlər göylə yer bitişik ikən Bizim onları ayırdığımızı, hər bir canlını sudan yaratdığımızı bilmirlərmi?! Yenə də iman gətirməzlər? (Ənbiya surəsi, 30)

Göyü qüdrətimizlə Biz yaratdıq və Biz onu genişləndirməkdəyik! (Zariyat surəsi, 47)

 XX əsrdə daha da inkişaf edən elm canlıların yaradılışının bir çox elmi sübutunu əldə etməyimizə kömək oldu. Elektron mikroskopu ilə canlı hüceyrəsi və onu əmələ gətirən hissələrin mütəşəkkil quruluşunu müşahidə etmək mümkün oldu. DNT-nin kəşf edilməsi isə yalnız mikroskopla görə bildiyimiz hüceyrənin içindəki sonsuz ağılın mövcudluğunu sübut etdi. Biokimya və fiziologiya sahəsindəki nailiyyətlər orqanizmin molekulyar səviyyədə mükəmməl funksiyalarını və yalnız yaradılışla izah edilə bilən quruluşunu göstərdi.

Yaradılışı müdafiə edənlər elm tərəfdarlarıdır. Çünki yeniliklər, irəliləyişlər və elm onların imanlarını daha da artırır. Elm yaradılışçıların ən böyük dəstəkçisidir. İnkişafa qarşı olanlar isə elmin ortaya qoyduğu bütün dəlillərdən üz çevirib əsassız təkamül nəzəriyyəsini və materialist fəlsəfəni müdafiə edənlərdir.

 



GENETİK MUTASİYA TƏCRÜBƏLƏRİ İDDİASINA CAVAB

22 Oktyabr 2017 22:53

Təkamülçülərə cavab

GENETİK MUTASİYA TƏCRÜBƏLƏRİ İDDİASINA CAVAB
«Current Biology» jurnalının quşların əcdadı yalanına cavabı

20 Oktyabr 2017 20:34

Təkamülçülərə cavab

«Current Biology» jurnalının quşların əcdadı yalanına cavabı
Təkamülü inkar edənlərə qarşı əhatəli hədə-qorxu siyasəti tətbiq edirlər

17 Oktyabr 2017 23:04

Təkamülçülərə cavab

Təkamülü inkar edənlərə qarşı əhatəli hədə-qorxu siyasəti tətbiq edirlər
Özlərinə dost bildikləri elm darvinistləri yıxıb-darmadağın etmişdir.

16 Oktyabr 2017 01:13

Təkamülçülərə cavab

Özlərinə dost bildikləri elm darvinistləri yıxıb-darmadağın etmişdir.
Darvinist təbliğat üsulları :Psixoloji çətinlik və sıxıntı içində olmaqları hərəkətlərindən və verdikləri reaksiyalardan bəlli olur

13 Oktyabr 2017 17:41

Quranda təkamül yoxdur

Darvinist təbliğat üsulları :Psixoloji çətinlik və sıxıntı içində olmaqları hərəkətlərindən və verdikləri reaksiyalardan bəlli olur

© 2016 Bu sayt Harun Yəhya əsəsrləri əsasında hazırlanıb.imanisaytlar.com.